ನಾಗರ ಜಡೆಯ ಹುಡುಗಿ

ಸನಿಹ ಬೇಡುತಿಹುದು ಜೀವ

ಜಾರಿ ಮಾಡೆ ಹುಡುಗಿ.

ಯಾರಿಗೂ ತಿಳಿಯದಂತೆ

ನೋಡು ಒಮ್ಮೆ ತಿರುಗಿ.

ಕಂಡು ನಿನ್ನ ಬೆರಗಾದೆ

ತೇರಿನ ಬೀದಿಯಲಿ ,

ಗೆಳತಿಯರ ಗುಂಪಿನಲಿ .

ಮೈಮರೆತು ಸೆರೆಯಾದೆ

ಸೆರೆಹಿಡಿವ ನೆಪದಲ್ಲಿ ,

ನಿನ್ನ ಕದಿವ ಭರದಲ್ಲಿ.

ನೀ ಜೀಕುತ್ತ ನಡೆವಾಗ

ಜಾರಿಬಿದ್ದ ಕಿರುಗೆಜ್ಜೆ ,

ಜೋಪಾನ ನನ್ನೀ ಜೀಬಿನಲಿ .

ಒಲ್ಲೆಯೆಂದು ನೀ,

ಉಳಿಸಿಹೋದ ಬಳೆಯ ಸಾಲು

ಕಿಂಕಿಣಿಸಿದೆ, ಖಾಸ ಕೋಣೆಯ ಶೋಕೇಸಿನಲಿ

ಇಳಿಸಂಜೆಗೆ ಸಿಗು ಒಬ್ಬಳೇ

ಮನಸಾರೆ ಕೇಳೋಕೆ,

ಮನದ ಎಲ್ಲ ಮಾತುಗಳ.

ಬರಿದಾಗುವೆ ,ಹಗುರಾಗುವೆ,

ಹರವಿಟ್ಟು , ನನ್ನೆದೆಯ ತಳಮಳ .

ತಡ ಮಾಡದೇ ಬಾ ಗೆಳತಿ

ಯಾಕಿನ್ನು ನಿನಗೆ ಸಂಶಯ ,

ಬೇಕೆಂದರೆ ಕೇಳಿನೋಡು

ಕಿರುಬೆರಳಿಗೆ ,

ನನ್ನ ಕಿರು ಪರಿಚಯ